اضحك قبل الضحك مايغلى ويتعبى فى قزايز
*مره واحد قابل زميله لقى ودانه الاتنين محروقين فساله ايه اللى حرق ودنك قاله انا كنت بكوى البنطلون والتليفون ضرب افتكرت المكوى التليفون ووضعتها على ودنى قاله امال ايه اللى حرق ودنك التانيه قاله ماهوا التليفون طلبنى تانى*مهندس كمبيوتر اتجوز جه ليلة الزفاف بيدخل على عروسته لقى عليها password
*واحد اتجوز وحدة اسمها نعمة كل يوم يقوم من النوم يبوسها وش وضهر
*واحد بلدياتنا طلع فوق الكبرى قال يابوى كل ديه بلكونه
*في اتنين بيلعبو الرفه بغطا الحله
*واحد زملكاوى بيوقف تاكسى بيقوله 6 اكتوبر فقاله لا سته واحد
*فى واحد شم ريحة بنطلونه اغمى عليه غطوه ببنطلون ابوه مات
*مرة واحد حلو إتجوز واحدة عسل خلفوا عيل ملزق
*مرة واحد مدرس ابتدائى تقدم لعروسة قالت له لما تكمل تعليمك ابقى اخدك
*مرة واحد فافى اوى حب يعمل راجل فقال لامه انا خارج قالت لة رايح فين فقال انا راجل محدش يسقلنى رايح فين... فخرج فاوقف تاكسى فسألة السواق انته رايح فين فقال لة انتة مالك اذا كنت مقلتش لمامى هقولك انت..!؟
*مرة واحد بلدياتنا اخدوة علشان الجيش وكانت الحرب شغالة فاعطوة قنبلة ذرية وقالوا لو شوفت حد من العدو شد الفتيل وارمى عليهم القنبلة وفعلا راى بلدياتنا عشرة من العدو وقام بشد الفتيل فراى العشرة من العدو جريوا بلدياتنا قال لهم ياولاد الكلب يا جبناء وقام حطها فى جيبه
*مره واحد ذهب إلى الدكتور يكشف على ابنه وبعد الكشف قال له الدكتور البقيه في حياتك ! إبنك مات رد عليه الواد وقال أنا صاحي يابا ! قال له إخرس يا واد إنت هتعرف أحسن من الدكتور
*اتنين بلدياتنا قاعدين على القهوه قدام مرايه واحد بيقول للتانى هما مش اللى قاعدين ادامنه دول بلدياتنا قالوا ايوه قاله متقوم نسلم عليهم فقاموا فقاله خلاص اقعد دول جايين
*مرة 2 بلدياتنا كانوا ماشيين فى الصحراء طلع عليهم اسد راح واحد رمى عليه طوبه وقعد يجرى وبعدين بص وراه لقى زميله واقف ومبيجريش فقاله انتى مبتجريش ليه قاله واجرى ليه هو انا اللى ضربته
*مرة بلدياتنا رجع من السفر ولقه الشقة كلها صراصير تعرف عمل اية ؟؟؟؟؟ غير قفل الباب
*بلدياتنا راح البلد وقال انا مش رايح الكويت تاني دول ناس عندهم ميت نبي ، نبي ناكل ، نبي نشرب ، نبي ننام
*مره واحد بلدياتنا قابله طارق علام قاله اسمك ايه رد عليه البلدياتنا مفيش اختيارات
*ابو العربى وام العربى كانو نايمين فسمعوا واحد حرامى ام العربى بتقول لابو العربى قوم فى واحد حرامى قال لها قومى انتى أحسن يكون الحرامى دة واحدة ست
*مرة واحد بلدياتنا دخل الحمام لقي خياله قاله إطلع برة يا قليل الأدب
*واحد بلدياتنا راكب الاتوبيس وقاطع تذكرتين ولما جاله الكمسرى ساله انت ليه شارى تذكرتين رد عليه وقاله علشان لما تضيع واحده يبقى معايا التانيه راح قاله الكمسرى طب لو ضاعوا الاتنين راح قاله البلدياتنا لا ماتخافشى انا معايا اشتراك
*واحد كسلان اوى قاعد هو وابنه فى البيت فضرب الجرس فقال الاب قوم يبنى افتح لامك قال الولد وانا مالى مش هى مراتك؟ قال له مره اخرى فرد بنفس الكلام قال الاب هى طالق بالتلاته قوم بقه افتحلها
*مرة واحد ماشى بالعربية بتاعتة فلقى لوحة مكتوب عليها خفف 70 كيلو قلك التزم باشارات المرور مشى كمان شوية لقى لوحة مكتوب عليها خفف40 كيلو مشى على سرعة اربعين كيلو وبعد شوية لقى لوحة مكتوب عليها خفف عشرة كيلو مشى على سرعة عشرة كيلو بعد كدة لقى لوحة مكتوب عليها مرحبا بكم فى خفف
*مرة واحد بلدياتنا وقع فى حفرة حدفوله حبل طلع مشنوق
*مره واحد راح عزه رجع مديحه
*واحد بلدياتنا لابس كل هدومه لي؟؟ لانه بايع الدولاب
*في مولد ووحده ضاع جوزها بلغت الشرطه فسألها الشرطي أيه أوصافه فقالت الزوجه أنه لابس بدله وكرافه وشيك راح الولد قال لاء يا ماما دالابس جلابيه مقطعه قالت له أسكت علشان يجيبو لينا واحد أحسن
*مرة واحد صينى وقع اتكسر
*عملوا مسابقة لأغبى ناس في العالم بين الأمريكان والصعايدة . لقوا الأمريكان بنوا كوبرى في الصحراء وبيصطادوا من عليه لقوا الصعايدة معديين بلانش من تحت الكوبرى
*مرة واحد بلدياتنا رما مراتة من الدور العاشر طلعتلة اقلتلة ايه الهزار البايخ دة
*واحد اخينا بيموت . لقي مراتة جنبه . قال لها كمان و انا بموت كنتي جنبى . و قبل كده وقفتي جنبي لما الشقة بتاعتنا وقعت . وو قفتي جنبي لما الشركة بتاعتي خسرت . و لما فصلوني من الشركة الثانية كنتي واقفة جنبي . انا مش عارف اقولك ايه بصراحه حاسس انك فقر يا حبيبتي
*بلدياتنا جتله طوبه فى صدره بص وراه
*مره واحد بيسأل ليه بلدياتنا بيلف العمامه علي راسه ؟ قاالولوا علشان يعرف راسه من رجليه
*واحد مدرس بيسأل بنت انتي ليه شعرك اسود واختك شعرها اصفر قالت له اصل امي ولدتني قبل ما تصبغ شعرها
*2 مساطيل: متى تكون الدنيا لونها بادنجانى؟ عندما تكون الدنيا مسقعه
*واحد لقي الحراميه بيسرقوه قالهم اقسم معكم ولا اقول لصاحب البيت
*بلدياتنا ماسك ثلجة لمدة ساعتين وقال اموت واعرف بتخر منين
*مرة واحد بخيل جداً كان في غرفة الأنعاش و حولية ولادة فقل لهم انا عوزكم تكونو أبخل مني فراح قطعين عنة خرطوم الأكسجين
ها ها ها هااااااااااااااااااااا
عدل سابقا من قبل Tammam21 في السبت 05 أبريل 2008, 2:35 am عدل 2 مرات
