زى الهوا

اهلا بك يازائر الكريم ليس لديك صلحيات يجب عليك الدخول او التسجيل
زى الهوا

فلاشات مضحكة , اغاني عربية , صور مضحكة , نكت و طرائف , الغاز محيرة , حكم و امثال , ابراج عربية , موسيقى عربية , شات , حركات المسنجر , ملفات مضحكة , دردشة , خفايا الماسنجر و المذيد


    حاموكشه لفرز دوت كوم دوت لبن الام || اشتركوا الان

    شاطر

    محمد زيدان
    عضو ملكى
    عضو ملكى

    عدد الرسائل : 3337
    العمر : 33
    العمل : محامى
    الهوايات : شاعر غنائى على قدى
    نقاط التميز فى المنتدى :
    المزاج :
    السٌّمعَة : 3
    تاريخ التسجيل : 07/09/2007

    حاموكشه لفرز دوت كوم دوت لبن الام || اشتركوا الان

    مُساهمة من طرف محمد زيدان في الأربعاء 14 يناير 2009, 3:06 pm

    (حاموكشه لفرز دوت كوم دوت لبن الام)
    ............
    الحكايه بين المطرب الشعبي حاموكشه اللموكشا ومدير اعماله سيد كارتونه
    حاموكشه:
    جري ايه ياعم كارتون انا حاسس ان السوق نام معايا اوى
    والواحد مش بيسترزق من الاغانى والجوه هبط معايا اوى
    كارتونه:
    يا استاذ حاموكشه انت ليك وضعك فى المجتمع ماشاء
    ولا نايم ولا حاجه واغنيه حبيبي رجليه حنينه مع ان شراباته معفنه ونجحت وماشيه زي الفل
    واغنيه
    حبيبي عامل زي عود القصب
    فى حبك انا شوفت العجب
    تدينى عود ولا تدينى عقله
    حبيبي حلو واسمه زوقله

    حاموكشه
    : اه الحمد لله الاغنيه دي فى الجون بس برضه انا عاوز البنات القطاقيط
    لما اعمل حفله زي حفلات الشرابيه و شبرا و حفلات سوق العبور و حفلات الطهور
    الاقيهم يجروا عليا ويحضنونى زي الجدع اللى بيغنى اللى اسمه تامر حسني ده
    كارتونه:
    وانت محتاج بنات ولا ستات يا حموكشه بيه ده كفايه الست سنينه جنح و ام لطفى
    الحاجه كحرته الدايه مش بيسبوك ولا فى طهورهما دول الجمهور الحقيقي
    حاموكشه
    : ياعم بلا هم ام محمد مين وام عباس مين انا عاوز مريهان وشرين و جيهان
    والاسماء اللى تفتح النفس دي
    كارتونه
    : لا دول بقا عاوزهم اغانى رومانسيه وتعمل موقع نت كده حلو وتعملك رابطه زي بتوع
    عمو تامر حسني
    حاموكشه
    : خلاص لو ع الاغانى بسيطه نكلم الاستاذ سيد كابينه يعملنا اغنتين كده
    زي الاغنيه اللى كان كاتبها لسيد اذيه اللى بتقول
    حبيبي جانى جانى
    و قال يلعبنى تانى
    ده طلع واد انانى
    طرشنى وخرم ودانى
    كارتونه
    : دي اغنيه فل الفل والله ياما طرشت سميعه طب والرابطه هتعمل اسمها ايه
    حاموكشه
    : هعملها حاموكشه لفرز دوت كوم دوت لبن الام علشان مش يبقا حد احسن من حد
    كاتونه
    : خلاص نكلم واحد يعملنا الرابطه بقا و يبقا هو الادمن
    حاموكشه
    : ادمن ايه مش عاوز مدمنين ولا بتوع مخدرات فى الرابطه
    الحكومه حاطه عنيها عليا من ساعه ما خرجت من السجن اخر مره
    كارتونه:
    لالا يامعلمى ادمن يعنى المعلم اللى هيشغل الموقع زي صاحب القهوه
    ويبقا تحته صبيانه كده اللى هما المشرفين
    حاموكشه:
    مش تقول ياراجل من الاول عاوزك بقا تظبتلى الموقع صوره ليا كده وتعملى صوره فوتوشوب
    علشان البشله اللى واخدها فى وشي مش تبان
    كارتونه:
    مش تقلق يا معلمى معايا واد اسطي صح الصح بتاع صور الفيش والتشبيه الواد ده عليه ظبته
    كاميرا مالوش حل بس لازم تعمل بصمه صوت كده علشان الناس يعرفوا ان الموقع ده الاصلى بتاع
    حاموكشه
    : طيب تمام بكره الصبح نضرب الاصطباحه ونسجل الكلام اللى هقوله
    " حبايبي وحبايب قلبي وفشتى فى الحته دي هتتعرفوا اكتر عنى الانسان مش بماضيه
    ولا بمستقبله الانسان بعربيته
    الموقع ده انا دافع فيه دم قلبي لازم كل واحد عليه نقطه ليا فى فرح او طهور يردولى فى الموقع ده
    هتلاقوا هنا كل اخباري وسوابقي وصوري وكليباتى فى حفلات الظهور
    حاموكشه اللموكشا
    بلبل الشرابيه
    حاموكشه لفرز دوت كوم دوت لبن الام
    كارتونه
    : اشته فى الانشتا يامعلمى كده فل الفل
    انشالله صيت هيعلى وهتبقا ان من حسني بتاع الشباب ده
    حموكشه
    : انا لازم اعمل اغنيه عن الموقع ده علشان الناس تعرفه
    وهتقول

    اوم اوم اوم
    حموكشه لفرز دوت كوم
    ادخلوا يا نسوان حارتنا
    ع الرابطه وافرحوا
    حموكشه ده راجل حتتنا
    وع الموقع سيحوا

    اوم اوم اوم
    حموكشه لفرز دوت كوم

    هنعدى عليك الاصطباحه
    وانت ع الهوت والياهو
    لو حد ساق التناحه
    والنعم لحرقوا
    اوم اوم اوم
    حموكشه لفرز دوت كوم

    من بكره هعمل حفلات
    cic و ومارينا
    ولو طهور مش هشرب الموغات
    احنا رابطه حموكشه ماحدش يقدر علينا
    اوم اوم
    حموكشه لفرز دوت كوم



    صوره حموكشا الشخصيه





      الوقت/التاريخ الآن هو الجمعة 15 ديسمبر 2017, 7:32 am